LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Shtimi i turistëve të huaj ka rritur konsumin dhe në një reaksion zinxhir, edhe të ardhurat në buxhetin e shtetit. Të dhënat e fundit të Ministrisë së Financave tregojnë se në 5 muajt e parë të këtij viti janë mbledhur 305.9 miliardë lekë të ardhura, me një rritje 6.5% kundrejt të njëjtës periudhë të një viti më parë.
Por cilat janë burimet kryesore të gjenerimit të këtyre të ardhurave?
Rezulton se tre taksat kryesore që kanë mbushur arkën e shtetit në 5 muajt e parë të këtij viti janë Tatimi mbi Vlerën e Shtuar, njohur ndryshe si taksa e konsumit; Tatimi mbi të ardhurat personale, që paguhet për të ardhurat nga paga dhe kontributet e sigurimeve shoqërore, të lidhura gjithashtu me pagën.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Duke pasur më shumë të ardhura në buxhet, qeveria ka pasur më shumë mundësi për të shpenzuar.
Në 5 muajt e parë të këtij viti, janë shpenzuar 265.5 miliardë lekë ose 12.2% më shumë se në të njëjtën periudhë të një viti më parë. Shpenzimet më të mëdha janë ato korrente, për paga dhe mbarëvajtjen e administratës dhe më pak për investime.
Ngadalësimi i shpenzimeve, që është vënë re kryesisht gjatë vitit të fundit, ka ulur deficitin buxhetor.
Të dhënat tregojnë se për 5-mujorin e këtij viti, ky tregues arriti në 40.4 miliardë lekë, ose 19.7% më pak se në të njëjtën periudhë të një viti më parë.
Kujtojmë se për shkak të mosrealizmit të shpenzimeve, qeveria rishikoi pak javë më parë buxhetin e këtij viti, rishikimi i dytë për këtë vit i draftit më të rendësishëm të financiave publike.
