LIGJET E BIZNESIT
Të dhënat e fundit të Institutit të Statistikave kanë treguar detaje lidhur me aksidentet rrugore që ndodhin në Shqipëri. Në muajin shkurt numërohen 88 aksidente rrugore, nga të cilët 122 persona janë të aksidentuar (të vrarë dhe të plagosur). Gjatë dy muajve të parë të këtij viti, numri i aksidenteve rrugore ka qenë 213 të tilla, duke u ulur me 21,1 %, krahasuar kjo me të njëjtën periudhë të një viti më parë.
Aksidentet rrugore, në 81,8 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve, në këtë periudhë, është kryer nga grup-moshat 25-34 vjeç dhe 45-59 vjeç, duke zënë secila nga 23,9 % të numrit të aksidenteve gjithsej.
Në muajin shkurt, numri më i lartë i aksidenteve rrugore ka ndodhur përgjatë ditës së enjte me 20.5 %, ndërsa numri më i ulët i aksidenteve ka ndodhur përgjatë ditës së diel, me 9.1 %.
Numri më i lartë i aksidenteve rrugore ka ndodhur përgjatë harkut kohor 19:00 – 24:00, duke zënë 19.3 % të numrit të aksidenteve rrugore gjithsej.
