Akuza e analistit Sejamini: Paketa antishpifje e Ramës ka mentalitet nazist

Paketa antishpifje ka qenë në qendër të debatit edhe në emisionin “Të Paekspozuarit” në Neës 24.

Nga kjo studio analisti Neritan Sejamini, tha se ky projektligj është një taktikë e kryeministrit, Edi Rama,  që synon censurimin e medias online.

Gjithashtu Sejamini u shpreh se propozimi i qeverisë për të vendosur një pullë (pop-up), në ballinën e një portali, se ky portal ka kryer shpifje, është e ngjashme me damkosjen e hebrenjve nga nazistët.

“E di kush është krahasimi më i saktë me këtë gjë, është nazizmi. Të gjithë hebrenjtë u detyruan që të mbanin shenjën, në xhaketën e tyre të vinin yllin e Davidit. Ata nuk mund të udhëtonin në qytet pa yllin e Davidit. Kjo është tamam mentalitet nazist, që ai do ta përdorë”, u shpreh Sejamini.