“Made in Albania”, shkaqet e shkatërrimit të prodhimit vendas

Aurora Sulce, Producente Ekzekutive për Biznesin në A2 CNN

Eksportet shqiptare po kalojnë një periudhë të vështirë. Zhvlerësimi i euros, rritja e kostove të brendshme, si dhe rënia e kërkesës nga jashtë kanë futur në një ngërc prodhimin vendas.

Në vitin që sapo u mbyll, eksportet arritën vlerën e 372.6 miliardë lekëve, me rënie mbi 67 miliardë ose 15.4% kundrejt një viti më parë.

Mangësitë e prodhimit vendas janë ndjerë edhe në tregun e brendshëm, aty ku kërkesat e konsumatorëve po plotësohen me mallra importi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Vlera e produkteve të siguruara nga jashtë arriti në vitin 2024 në mbi 894 miliardë lekë, me rritje 21.7 miliardë ose 2.5% më shumë se një vit më parë.

Një situatë e tillë e përkeqësuar ka cuar në nivele rekord deficitin tregtar të vendit.

Ky tregues arriti në fund të vitit të kaluar në 521.7 miliardë lekë ose rreth 5.2 miliardë euro, niveli më i lartë që kur mbahen të dhënat zyrtare, duke përfshirë vitet e tranzicionit, por edhe para kësaj periudhe.