Asambleja e Dhomës/ Amerikanët kërkojnë kushte për të ardhur në Shqipëri, mesazhet që u dhanë nga kompanitë

Amerikanët kërkojnë përmirësimin e klimës së biznesit në Shqipëri. Mesazhi u dha gjatë zhvillimit të mbledhjes së Asamblesë së Përgjithshme të Dhomës Amerikane e Tregtisë. Kjo shoqatë kërkoi krijimin e kushteve të favorshme për thithjen e kompanive amerikanë që janë të interesuara të investojnë në vendin tonë. Pasi sic bënë të ditur drejtuesit e Dhomës Amerikane të Tregtisë “janë disa investime multimiliardere amerikane që presin të vijnë në Shqipëri sapo të plotësohen disa kushte infrastrukturore”.

Engarkuara me punë në Ambasadën Amerikane Nancy VanHorn u ndal te disa nga reformat konkrete që duhet të ndërmerren, duke theksuar nevojën për verifikimin e investimeve që kryhen në Shqipëri.

“Ne besojmë se është thelbësore që të shmangen investimet që mund të mos jenë në përputhje me prioritetet shqiptare, ose më keq, që mund të paraqesin disa rreziqe për sigurinë kombëtare gjatë rrugës”, u shpreh VanHorn.

I pranishëm në mbledhjen e asamblesë ishte edhe ministri i Ekonomisë, Kulturës dhe Inovacionit Blendi Gonxhja, i cili u ndal te reformat e ndërmarra në drejtim të përmirësimit të klimës së biznesit.

“Duhet të jemi vendi më mikpritës i sipërmarrjes së huaj dhe asaj amerikane në veçanti. Për këtë arsye jemi duke çuar përpara me vendosmëri shumë reforma, me qëllim përmirësimin e mëtejshëm të klimës së biznesit”, tha Gonxhja.

Gjatë fjalës së tij, Gonxhja tha se qeveria po synon uljen e korrupsionit në tendera dhe rritjen e konkurrencës mes operatorëve ekonomikë.