LIGJET E BIZNESIT
SAFETY GALA ALBANIA 2024 bëri bashkë profesionistë të shëndetit dhe sigurisë, përfaqësues të institucioneve shtetërore dhe ekspertë të industrisë nga sektorë të ndryshëm për t’u përfshirë në diskutime mbi për përmirësimin e standardeve të sigurisë në vendin e punës.
Veprimtaria, e cila tërhoqi një audiencë të larmishme nga Shqipëria, rajoni dhe më gjerë, u fokusua në temën “Visioni i së ardhmes: Dimensioni njerëzor, siguria dhe teknologjia”. Kjo temë eksploroi ndërthurjen e faktorëve njerëzorë, inovacionit teknologjik dhe kulturës së sigurisë, me theksin se si këta elementë mund të bashkëveprojnë për të krijuar mjedise pune më të sigurta dhe më të shëndetshme.
Organizuar nga Engineering & Risk Management Consultants SH.P.K. (ERMC), një lider në fushën e Menaxhimit të Mjedisit dhe Shëndetit e Sigurisë në Punë, eventi u zhvillua nën kujdesin e Ministrisë të Industrisë dhe Energjisë, si dhe me mbështetjen e Ambasadës Greke në Shqipëri.
Eventi pati pjesëmarrje aktive nga një gamë e gjerë industrish, përfshirë Telekomunikacionin, Naftën dhe Gazin, Sektorin e Energjisë, Ndërtimin, prodhimin e Çimentos, Minierat dhe të tjerë. Të pranishëm ishin pjesëmarrës nga Shqipëria, Greqia, Italia, Spanja, Kosova dhe Britania e Madhe. Ky diversitet krijoi një mjedis të pasur për shkëmbimin e përvojave, zgjidhjeve inovative dhe praktikave më të mira.
Në aktivitet morën pjesë folës të profilit të lartë nga institucionet vendore si , Drejtoria a Mardhenieve të Punës dhe Shendetit e Sigurisë, Inspektorati i Punës, Agjencia Kombëtare e Mbrojtjes Civile, Drejtoria e Përgjithshme e Shërbimit Rrugor, perfaqesues te institucioneve nderkombëtare si EBRD, dhe kompanitë lider në industri si TAP, VODAFONE, VOLTALIA, SIRUS Fleet Engineering, Statkraft – Devoll Hydropower , të cilët diskutuan përvojat dhe ekspertizën e tyre në Shëndetin dhe Sigurinë në Punë dhe se si ata integrojnë kulturën e sigurisë në operacionet e tyre.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Diskutimet ndanë me audiencën njohuri të vlefshme për të ardhmen e sigurisë në vendin e punës dhe rolin e teknologjisë në formimin e kushteve më të sigurta të punës.
Safety Gala Albania 2024 nënvizoi me sukses rëndësinë e kombinimit të ekspertizës njerëzore me përparimet teknologjike për të hartuar një të ardhme më të sigurt. Veprimtaria theksoi nevojën për edukim dhe ndërgjegjësim të vazhdueshëm për të krijuar një kulturë në vendin e punës ku siguria dhe mirëqenia janë parësore.
U ripohua edhe njëherë roli i bashkëpunimit midis aktorëve të industrisë, enteve qeveritare dhe organizatave në nxitjen e mjediseve më të sigurta dhe më të shëndetshme të punës për të gjithë.
