LIGJET E BIZNESIT
Avokati i njohur Spartak Ngjela është bërë edhe një herë tjetër protagonist i politikës shqiptare. Në një intervistë për a2ccn, avokati ka folur për situatën politike, duke thënë se në 30 qershor rrezikohej shtet, por tashmë kjo gjë është e kaluar dhe kjo është për meritë të politikës amerikane.
Sipas Ngjelës në 13 tetor nuk do ketë zgjedhje, pasi Amerika ka prova që implikojnë politikanët shqiptarë do i përdorë nëse ata do të bëjnë tentativa destabilizuese.
“13 tetor nuk mund të ketë. Nëse do të flisja për 13 tetorin, atëherë hyja dhe unë në marrëzi. Shqipëria e pas 30 qershorit është më e fortë. Shteti ishte në rrezik në 30 qershor. Nuk ishte një betejë për votën e lirë, por ishte një betejë për shtetin, do ta shkatërronte korrupsioni i ngritur në reformë shtetin apo jo. Evitimi i këtij rreziku ishte meritë e politikës amerikane.
Politika amerikane e ka nisur këtë proces antikorrupsion në Shqipërie dhe do ta çojë deri në fund, ne nuk e bëjmë dot këtë. Ata kanë provat. Sa herë këta bëjnë gjullurdira, ata nxjerrin provat. Këta janë të gjithë në akuza. Këta luajnë për ekzistencën e tyre dhe donin destabilizim, por kjo nuk i interesonte politikës amerikane”, tha Ngjela në A2cnn.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
