Bizneset duhet të deklarojnë pagat reale të punonjësve të tyre brenda datës 20 të këtij muaji, që është edhe afati ligjor.
Apeli është bërë nga administrata tatimore dhe kjo thirrje vjen pas deklaratave të kryeministrit Rama për luftë kundër informalitetit tek pagat. Paralelisht me pagat, bizneset duhet të deklarojnë edhe orët e punës, profesionin dhe numrin real të punonjësve të punësuar në biznesin e tyre.
Në mbledhjen e Asamblesë Socialiste më 8 shtator, kryeministri Edi Rama deklaroi se të gjithë punëdhënësit që nuk deklarojnë pagat e punonjësve do të arrestohen, njësoj si hajdutët e energjisë elektrike disa vite më parë.
