LIGJET E BIZNESIT
Zhvillimi i ekonomisë dhe rritja e saj janë në varësi thuajse të plotë nga sektori I ndërtimit, ndërsa sektorët e prodhimit, si bujqësia po ulin ndjeshëm ndikimin. Të dhënat e fundit të Institutit të Statistikave mbi rritjen ekonomike në tremujorin e dytë të këtij viti, të vlerësuar në 4% kundrejt një viti më parë tregojnë qartazi se ndikimin kryesor e ka dhënë ndërtimi.
“Aktiviteti “Ndërtimit” shënoi rritje me 10,10%, ndjekur nga grupi i Aktiviteteve profesionale dhe Shërbime administrative”, i cili shënoi rritje 9,58%.
“Aktiviteti Financiar dhe i Sigurimit” shënoi një rritje prej 8,71%, ndjekur nga grupi i aktiviteteve të “Administratës Publike, Arsimit dhe Shëndetësisë”, i cili shënoi rritje 8,05%.
Grupi i aktiviteteve “Tregti, Transport, Akomodim dhe Shërbim ushqimor” pati një rritje prej 6,48%, grupi i aktiviteteve “Arte, argëtim dhe çlodhje, aktivitete të tjera shërbimi” pati rritje me 3,82%, aktiviteti i “Pasurive të Paluajtshme” ka shënuar rritje prej 2,69% dhe aktiviteti i “Bujqësisë, Pyjeve dhe Peshkimit” shënoi rritje me 0,56%.
Ndërsa Aktiviteti i “Industrisë, Energjisë dhe Ujit” shënoi rënie me 8,91% dhe grupi i aktiviteteve “Informacioni dhe Komunikacioni” shënuan rënie prej 5,39%. Taksat Neto mbi produktet u rritën me 7,01%”, vlerëson INSTAT.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Rritja e peshës së ndërtimit në ekonomi dhe ulja e sektorit bujqësisë sinjalizon për një situatë të vështirë, në kushtet kur është prodhimi që ai që jep ndikimin me bazë të gjerë, duke filluar nga krijimi i vendeve të punës e deri tek rritja e vlerës së shtuar në vend.
