LIGJET E BIZNESIT
Nga Aurora Sulce, Producente Ekzekutive për Biznesin në A2 CNN
Bujqësia është konsideruar nga të gjitha qeveritë si një sektor prioritar, por mbështetja me fonde nuk ka qenë kurrë e tillë. Ky sektor i ekonomisë ka vuajtur gjithmonë mungesën e financimeve, që ka detyruar fermerët të stepen në diversifikimin e kulturave bujqësore apo në rritjen e prodhimit.
Por sa para jepen për bujqësinë? Në buxhetin e këtij viti, fondet për Ministrinë e Bujqësisë ishin 14.1 miliardë lekë, me rënie 1.4 miliardë ose 9.3% kundrejt vitit 2023.
Tkurrja e financimeve nga buxheti ndodhi në një kohë kur u pezulluar programi IPARD 3 i Bashkimit Europian, për shkak të hetimit për abuzime me fondet.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
146 milionë euro të destinuara për bujqësinë dhe që nuk do të përfitohen nga fermerët dhe agropërpunuesit.
Bujqësia shqiptare rezulton sot më e nënfinacuara në rajon. Për këtë sektor jepen vetëm 0.19% e Prodhimit të Brendshëm Bruto, shumë më pak se në vendet e tjera të rajonit dhe kundrejt mesatares së vendeve të Bashkimit Europian.
Por ndërsa merr fonde shumë më pak se vendet e tjera, pesha e bujqësisë në ekonominë shqiptare është së të paktën 6 herë më e lartë se mesatarja e Europës dhe trefishi i mesatares rajonale. Bujqësia jep 19% të PBB-sëk dhe në të janë punësuar mbi 540 mië persona ose 44% e totalit të të punësuarve në vend.
Për shkak të mungesës së fondeve, por edhe shumë problemeve të tjera të pazgjidhura në vite, bujqësia ndodhet aktualisht në krizë. Që nga fillimi i dekadës së kaluar, ritmet e rritjes së bujqësisë janë frenuar në mënyrë të vazhdueshme, por dy vitet e fundit, sektori më i madh i ekonomisë ka hyrë në trendin e rënies.
Vitin e kaluar, prodhimi në sektorin bujqësor shënoi rënie me 0.69%. Kjo ndodhi në një kohë kur ekonomia u rrit me 3.5%, cka dëshmon se sektori është lënë tashmë në rënie të lirë. E njëjta situatë ka vijuar edhe në tremujorin e parë të këtij viti, ku rënia përllogaritet në 0.31%.
