LIGJET E BIZNESIT
Inflacioni është rikthyer në objektiv në muajin gusht, ndonëse cmimet kanë pësuar një rritje të lehtë kundrejt korrikut, të stimuluara kryesisht nga sezoni turistik. Të dhënat e Institutit të Statistikave tregojnë se muajin e kaluar, inflacioni shënoi 2%, duke u përgjysmuar kundrejt të njëjtës periudhë të një viti më parë. Ky është niveli më i ulët që prej qershorit të vitit 2021, periudhë kur nisi edhe lufta në Ukrainë.
Kundrejt një viti më parë, rritja më e madhe e çmimeve vërehet në grupin “Argëtim dhe kulturë”, pasuar nga grupet “Veshje dhe këpucë”, “Pije alkoolike dhe duhan”, “Mobilje, pajisje shtëpie dhe mirëmbajtje e shtëpisë” me 3,5 %, “Ushqime dhe pije joalkoolike” me 2,4 %, “Shërbimi arsimor” me 2,2 %, “Mallra dhe shërbime të ndryshme” me 2,1 %, “Hotele, kafene dhe restorante” me 1,8 %, “Qira, ujë, lëndë djegëse dhe energji” me 1,5 %, “Shëndeti” me 1,4 %, “Komunikimi” me 0,6 %.
Nga ana tjetër çmimet e grupit “Transporti” shënuan ulje me 3,1 %. Brenda grupit të ushqimeve çmimet e nëngrupit “zarzavate përfshirë patatet” patën një rritje me 5,5 %, pasuar nga nëngrupet “qumësht, djathë dhe vezë” me 4,4%, “peshk” me 4,2 %, “mish” me 3,1%, “sheqer, recel, mjaltë, çokollata dhe mbëlsira” me 2,9 %, etj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Inflacioni ndodhet aktualisht brenda objektivit prej 2% të parahsikuar nga banka e Shqipërisë, megjithëse risqet ekzistojnë ende dhe kriza e cmimeve nuk konsiderohet e tejkaluar plotësisht.
