Kryemadhi tregon biografinë e atyre që duan t’i bëjnë gjyqin Ilir Metës

Monika Kryemadhi edhe pse u mundua në maksimum nuk i shmangu dot komentet në lidhje me burrin e saj, që është dhe presidenti i vendit, Ilir Meta.

Kryemadhi foli mes të tjerash edhe për procesin e ngritur nga mazhoranca për shkarkimin e Metës.

Sipas saj ata që po punojnë për këtë proces janë njerëz të favorizuar nga Rama brenda në PS.

“I gjithë procesi gjyqësor tregoi të kundërtën e asaj fushate boomerangu dhe historie të tjera. Është i vetmi që ka mbyllur edhe 5-0 gjykimin, as 3-2 dhe as 4-1, por 5-0 kur dihet shumë mirë nëse dy gjyqtarë ishin kryesorë në procesin e hartuar kundër tij. Ata gjyqtarë që kanë gjykuar Ilir Metën sot janë të favorizuarit e Edi Ramës. Mos e harroni këtë gjë, Nuk po përmend emra. Ata që kanë bërë gjyqin e Ilir Metës janë të favorizuarit e Edi Ramës dhe ortakët e tij.”- tha Kryemadhi.