LIGJET E BIZNESIT
Shumë shpejt pritet të fillojë një reformë e thellë edhe në administratë, ku pritet të ketë edhe largime të shumta.
Paralajmërimi vjen nga zv/kryeministri Erion Braçe, gjatë një seance dëgjimore në Komisionin parlamentar të Ligjeve mbi sjelljen dhe veprimtarinë e administratës shtetërore gjatë votimeve të 30 qershorit.
“Janë marrë masat për nisjen e procesit disiplinor deri në largim nga administrata publike të nëpunësve që u përfshinë në akte të dhunshme gjatë fushatës zgjedhore”, tha ai.
Si drejtues i task forcës, Braçe tha se është monitoruar përdorimi i burimeve njerëzore, financiare apo logjistike të administratës gjatë procesit zgjedhor.
“Gjatë orarit zyrtar të punës është e ndalur pjesëmarrja në veprimtari politike, në fushatë zgjedhore ose parti politike. U monitorua po ashtu veprimtaria e nxënësve gjatë orarit mësimor dhe nuk rezultoi asnjë rast i përfshirjes së tyre në fushatë elektorale .Jemi në fazën e mbledhjes së të dhënave për hartimin e raportit përfundimtar i cili do të përfshijë gjithë periudhën zgjedhore. Mirëpresim raportimin e rasteve kur këta nëpunës të administratës civile janë përfshirë në akte gjatë procesit të administrimit zgjedhor të ndaluara nga ligji dhe pa asnjë diskutim do t’i largojmë nga shërbimi civil”, u shpreh ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pavarësisht këtij qëndrimi dhe paralajmërimi të ashpër nga Braçe, nuk dihet nëse këto masa vlejnë edhe për punonjësit e bashkive të opozitës. Këta të fundit qenë protagonist kryesore të dhunës ndaj KZAZ-ve dhe dëmtimit të materialeve zgjedhore.
