Presidenti Ilir Meta gjatë qëndrimit në Bosnje Hercegovinë, është takuar edhe me ish-ministren e PD, Majlinda Bregu.
Kjo e fundit aktualisht drejton organizatën e Këshillit për Bashkëpunimit Rajonal dhe ishte gjithashtu pjesëmarrëse në samitin e Sarajevës.
Duke postuar fotot me Bregun në rrjetet sociale, kreu i shtetit vlerësoi punën e politikanes shqiptare, ndërsa tha se Bregu po përshpejton intergimin e vendeve drejt familjes së madhe të Bashkimit Evropian.
“Kënaqësi të jem Presidenti i parë shqiptar që vizitoj selinë e Këshillit të Bashkëpunimit Rajonal në Sarajevë, e njëkohësisht të bisedoj me shqiptaren e parë në krye të kësaj organizate të rëndësishme znj.Majlinda Bregu, e cila po bën një punë të shkëlqyer për forcimin e bashkëpunimit rajonal dhe përshpëjtimin e proceseve integruese të vendeve të Ballkanit Perëndimor”- shkruan Meta.
