Sulmi ndaj makinës së Lubonjës, analisti tregon se kush është personi që kreu sulmin

Sulmi me gurë ndaj makinës së analistit të njohur Fatos Lubonja solli një reagim të madh në mediet shqiptare.

Vetë analisti Fatos Lubonja në një intervistë për News 24 tha se personi që ka kryer sulmin e kishte makinën e tij në target. Sipas Lubonjës, një variant mbetet që agresori mund ta ketë kryer sulmin si rrjedhojë e klimës së urrejtjes që Rama promovon ndaj analistëve.

“Kam parë shumë reagime, që thonë se ishte person i sëmurë mendor. Mendoj se nuk e ka shtyrë dikush këtë të sëmurë mendor që të më sulmojë makinën mua, por mendoj se klima e urrejtjes që proklamon Rama ndaj nesh, nuk mund të përjashtosh. Në Poloni u vra një person me influencë nga një i sëmurë ndërsa doli më vonë se ai person ishte shtyrë.

E dyta është se kam thënë se ky person ka qëlluar makinën time për shkak të ideve të tij politike. Ky ka goditur dhe pastaj ka dalë me thikë. Policia e di shumë mirë, ka dhënë deklaratë sikur kjo s’ka lidhje fare me mua, por që ka goditur makinën time rastësisht, që tregon se policia është nën influencë politike”, deklaroi Lubonja.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern