Presidenti Meta e pranoi ftesën për të shkuar në Samitin Rajonal që po mbahet në Bosnjë. Nga ky event rajonal, kreu i shtetit Meta, teksa shpërndan në facebook, disa foto nga Samiti, thotë se shpreson që BE të hapë negociatat në tetor.
Integrimi i Ballkanit Perëndimor është parësore për BE, sipas numrit një të shtetit shqiptar, Ilir Meta.
“Përparimi i të gjitha vendeve të Ballkanit Perëndimor në procesin integrues për në Bashkimin Europian është thelbësor. Mbetemi të përkushtuar dhe me shpresë se Këshilli i BE-së do të vendosë në tetor për të hapur negociatat e anëtarësimit me Shqipërinë dhe me Maqedoninë e Veriut fqinje.I jemi mirënjohës vizionit të Kancelares Angela Merkel, që u përsërit edhe në Samitin e fundit të Poznanit, se dhënia e mundësisë vendeve të Ballkanit për t’i bashkëngjitur BE-së është në interesin strategjik të bllokut komunitar europian”, ka shkruar Meta.
