Panë ndeshjen në Spanjë me lekët e biznesmenit, çfarë vendosën Krimet e Rënda për 3 gjyqtarët e Durrësit

Ditën e sotme është zhvilluar te Krimet e Rënda seanca për 3 Gjyqtarët e Gjykatës së Apelit në Durrës, të cilët akuzohen për “korrupsion pasiv të gjyqtarëve, prokurorëve apo punonjësve të drejtësisë”.

Mësohet se gjykata ka hapur shqyrtimin ligjor si dhe ka pranuar kërkesën e tyre për gjykim të shkurtuar. Ndërkohë, Prokurori ka lexuar kërkesën për gjykim dhe ka shtyrë pretencën për  në datën 24 Korrik.

Tre gjyqtarët Petrit Ceno, Petraq Dhimitri dhe Kliton Spahiu dyshohet se për të dhënë një vendim në favor të një biznesmeni kanë përfituar një udhëtim të paguar nga ai.

Si i pandehur është marrë edhe biznesmeni Namik Sadik, i cili akuzohet për “Korrupsion aktiv”, dyshohet se ai ka paguar udhëtimin e gjyqtarëve për të parë një ndeshje në Spanjë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern