Kjo është makina e parë shqiptare, e blinduar

Shqipëria ka makinën e parë të blinduar, të prodhuar në vendin tonë dhe nga një kompani shqiptare. Ajo mban emrin “Shota” dhe do të prezantohet në ekspozitën e mbrojtjes dhe sigurisë Eurosatory në Paris, javën e ardhshme.

Makina është dizenjuar nga shqiptari Grigor Andoni dhe bërë realitet nga kompania “TIMAK” e drejtuar nga Arjeta Puca.

Vajzat e kompanisë së saj e kanë ndërtuar blindin e parë “Made in Albania” për 3 muaj, duke ngjallur interes të madh nga shtete të huaja për mjete të tjera të së njëjtës natyrë, apo dhe ambulanca, zjarrfikëset e produkte të tjera sipas nevojave.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Siç shihet dhe nga këto pamje të “Shotës”, ajo ka një dizajn shumë të veçantë, me një turi tepër dinamik që mban të gdhendur me krenari emrin shqiptar.

Timak”, e cila që eksporton makina në 20 shtete të botës, në prezantimin e prototipit në një video në Facebook, bëri të ditur se emri i kësaj makine do të jetë “Shota”.

“SHOTA, automjeti i parë ushtarak shqiptar, lindur nga zemra e kombit tonë dhe krijuar nga forca e grave të jashtëzakonshme. E fortë, sypatrembur, krenare “SHOTA”, mishëron frymën e inovacionit dhe fuqizimit”, bëri të ditur kjo kompani.