LIGJET E BIZNESIT
I dënuari me burgim të përjetshëm për vrasjen e kryer në vitin 2013 në Frasses të Kantonit Freiburg, është arrestuar diku jashtë Zvicrës, pas dy vjetësh të kaluara në arrati.
Bashkim L., 35-vjeç, ka qëndruar në burg nga viti 2013 ndërsa në shtator të vitit 2017 ai ishte arratisur nga një qeli në burgun qendror të Freiburgut.
Arrestimi i tij është bërë në sajë të bashkëpunimit të Policisë Zvicerane me policitë ndërkombëtare.
Siç kishin treguar hetimet asokohe, konsiderohej shumë e mundur që në aktin e arratisjes ai kishte pasur ndihmën e dikujt nga jashtë, thotë një zëdhënës i policisë, shkruan sda.ch.
Bashkim L. konsiderohet si njëri ndër dy personat që kanë kryer vrasjen në majin e vitit 2013 në Frasses.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në atë ngjarje u vra një shqiptar 36-vjeç nga Kosova, me shtetësi italiane.
Shtetasi italian sapo kishte ardhur në shtëpi me makinë, ku kishte gruan dhe katër fëmijët, kur dy persona kishin hapur zjarr mbi të, duke e vrarë në praninë e familjarëve.
Vrasja konsiderohet të ketë qenë një akt hakmarrjeje në vazhdën e një sherri të përgjakshëm shumëvjeçar në mes të dy klaneve familjare nga Kosova.
Pas aktit të vrasjes, ishin arrestuar të dy personat e dyshuar dhe ishin dënuar në shkallën e parë me burg të përjetshëm.
Të dy e kishin ankimuar vendimin gjyqësor në një instancë më të lartë, duke mohuar akuzat.
Gjykata Kantonale e Freiburgut në korrik të vitit 2018 i kishte miratuar pjesërisht ankesat e tyre. Ajo e kishte shpallur personin e dytë (shqiptar me shtetësi të Maqedonisë) fajtor për ndihmë në vrasje dhe për bartje të paligjshme të armës.
Kështu, ai qe dënuar me 9 vite heqje lirie.
Ndërsa Bashkim L. i ishte ulur dënimi nga burg i përjetshëm, në heqje lirie për 20 vjet. Por, vepra penale me të cilën ishte dënuar ka mbetur e njëjtë: vrasje e rëndë dhe armëmbajtje pa leje.
