Dalin detaje të tjera nga vetëvrasja e Sefedin Zenellarit, kunatit të 57-vjecarit Gramoz Nako i cili u vra mbrëmë në banesën e tij në qytetin e Korcës.
Bëhet me dije se vetëvrasja e 71-vjecarit ka ndodhur për shkak se mbrëmjen e djeshme ai ka ekzekutuar kunatin e tij, burrin e motrës Gramoz Nako.
Mësohet se mëngjesin e sotëm në momentin që policia ka shkuar për ta marrë në pyetje, ai është mbyllur në dhomë ku ka qëlluar veten.
Mbrëmë Gramoz Nako u vra në shtëpinë e tij. Sipas policië dyshohet se Zenellari ishte futur në shtëpinë e kunatit për të grabitur.
Gjatë grabitjes 71-vjeçari është përleshur me kunatin e tij dhe më pas e ka qëlluar. Ndërkohë, më pas në banesën e viktimës, Nako është vënë re mungesa e 13 mijë eurove.
Pas hetimeve nga policia, blutë kanë shkuar në banesën e Zenellarit mëngjesin e sotëm për ta shoqëruar, por ky i fundit është kyçur në dhomë. Më pas ai ka qëlluar veten, me të njëjtën armë që vrau kunatin.
57-vjeçari, Gramoz Nako babi i tre fëmijëve, jetonte në SHBA, ndërsa sapo ishte kthyer nga Turqia ku kishte kaluar pushimet me familjen.
Ai do të qendronte disa ditë në Korçë.
Njoftimi i policisë për ngjarjen sot:
Trupi i pajetë i 57-vjeçarit u gjet në banesa nga bashkëshortja e tij.
Në vijim të ngjarjes së ndodhur mbrëmjen e djeshme në lagjen nr 7, ku u gjet i vrarë me armë zjarri tip pistoletë, shtetasi G.N, 57 vjeç informojmë se:
Autori i dyshuar i kësaj ngjarje është kunati i tij shtetasi S.Z, 71 vjeç, banues në Korçë, i cili mëngjesin e sotëm në momentin kur shërbimet e Policisë kanë shkuar për ta shoqëruar në Komisariat, është vetëvrarë me armë zjarri tip pistoletë, në banesën e tij ku jetonte i vetëm. Grupi hetimor po punon për zbardhjen e plotë të rrethanave të ngjarjes”, deklaron policia.
