Policia greke ka arrestuar një familje shqiptare në Selanik.
Familja e përbërë nga babai, mamaja dhe vajza, kanë rënë në pranga si pjesë e një grupi të shpërndarjes dhe shitjes së kokainës.
Çifti i bashkëshortëve, të dy 45-vjeç, u arrestuan të shtunën në mbrëmje teksa po udhëtonin me makinë.
Ata u ndaluan për kontroll dhe në mjet u gjetën 205 gram kokainë të fshehur brenda kukullave.
Policia greke tha se makina me të cilën u kapën burrë e grua, është në pronësi të vajzës së tyre 20-vjeçare. Kërkimet vazhduan edhe në banesën e familjes shqiptare. Edhe aty u gjetën doza kokaine dhe u arrestua vajza e çiftit.
U sekuestruan gjithashtu 8640 euro dhe një automjet.
