Zbardhen detajet, ja kush ishte 57-vjeçari i vrarë sot në Korçë

Mbrëmjen e sotme, teksa e gjithë vëmendja ishte e përqendruar te protesta e Opozitës, një ngjarje e rëndë tronditi qytetin e Korçës.

Një 57-vjeçar, babai i dy fëmijëve është vrarë me armë zjarri. Mësohet se viktima e vrarë sonte është Gramoz Nako, i cili jetonte në Shtetet e Bashkuara të Amerikës dhe ishte kthyer në vendlindje vetëm dy ditë më parë, pasi kishte kaluar pushimet verore në Turqi me gjithë familjen.

Nako është gjetur pa jetë në banesën e tij, ndërsa policia ka konstatuar vrasjen me armë zjarri. Pista ku po hetohet është ajo e grabitjes, por ende policia nuk ka detaje konkrete për krimin e rëndë që tronditi sot Korçën.

Nuk dyshohet për ndonjë hakmarrje apo ndonjë konflikt të mundshëm personal të Nakos.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern