Miratohet në Kuvend, ngrihet Komisioni Hetimor për shkarkimin e Metës

Kuvendi i Shqipërisë me 101 vota pro, 6 kundër, 3 abstenim dhe 1 deputet që nuk ka votuar, Kuvendi vendosi ngritjen e Komisionit Hetimor parlamentar për shkarkimin e Presidentit Ilir Meta.

Ky komision i sapo ngritur hetimor mbi shkarkimin e presidentit Ilir Meta do e ketë kohëzgjatjen e tij tre muaj. Përgjatë këtyre tre muajve do të kërkohet njohja si dhe verifikimi i mënyrës së ushtrimit të kompetencave nga ana e Presidentit të Republikës së Shqipërisë lidhur me zhvillimin e zgjedhjeve për organet e qeverisjes vendore në përputhje me parimet kushtetuese si parimi i ndarjes dhe balancimit të pushteteve, shtetit të së drejtës dhe demokracisë funksionale, si dhe nxjerrjen e përgjegjësisë konkrete institucionale.