Pasditen e kësaj të hëne në autostradën Lezhë-Milot ka ndodhur një aksident. Ngjarja raportohet të ketë ndodhur në zonën e njohur si Kryqëzimi i Shënkollit ku një mjet me drejtues B.M., 36 vjeç ka përplasur një motoçikletë.
Për pasojë ka mbetur i plagosur drejtuesi i motoçikletës K.V.,25 vjeç, banues në Lezhë, i cili është dërguar në spitalin Rajonal të Lezhës ku tashmë ndodhet nën kujdesin mjekësor. Sakaq për drejtuesin e mjetit nuk ka pasur dëmtime.
Nga ana tjetër, policia ka mbarritur në vendin e ngjarjes dhe po punon për të zbardhur edhe shkaqet e këtij aksidenti.
