U shkarkua nga Vetingu një vit më parë, ish-anëtarja e Gjykatës Kushtetuese ankimon vendimin në Strasburg

Ish- anëtarja e Gjykatës Kushtetuese Altina Xhoxhaj ka ankimuar vendimin për shkarkimin nga detyra në Strasburg.

Xhoxhaj u shkarkua nga detyra më datë 3 maj të vitit të kaluar.

Ndërkaq, pas vendimit të KPK, edhe Kolegji i Posaçëm i Apelimit e la në fuqi. Ndërkohë, tashmë Xhoxhaj i është drejtuar Strasburgut.

Kujtojmë se hetimi i thelluar nga anëtarët e Vetingut dhe përfaqësuesit e Operacionit Ndërkombëtar të Monitorimit çuan në konkluzionin se Altina Xhoxhaj nuk justifikonte pasurinë e deklaruar si dhe kishte fshehur pasurinë.

Mësohet se gjykata e Strasburgut e ka pranuar ankesën e Altina Xhoxhajt.