LIGJET E BIZNESIT
Në fundjavë, kryeministri Edi Rama mblodhi në Shkodër kryetarët e bashkive të vendit për të diskutuar me ta mbi gjendjen e pushtetit vendor, por edhe projektet kryesore për zhvillimin e zonave. Teksa kusht për financime u la performanca e secilës prej bashkive, si paraqitet realisht gjetja financiare e tyre?
Sipas statistikave zyrtare, shumë prej bashkive kanë probleme me realizimin e të ardhurave, teksa kanë rritur ndjeshëm shpenzimet. Kjo ka cuar në një përkeqësim të financave të tyre, të reflektuara me rritje të nivelit të borxhit.
Të dhënat nga Ministria e Financave tregojnë se vlera e parave të papaguara në kohë të 61 njësive të pushtetit vendor në fund të 2023-shit arriti në mbi 5.7 miliardë lekë. Në krahasim me fundin e vitit 2022, detyrimet e prapambetura rezultojnë të jenë zgjeruar me 290 milionë lekë.
Tirana ka nivelin më të lartë të detyrimeve të prapambetura me mi 1.4 miliardë lekë, por për shkak të financave që zotëron ky stok nuk është problem për bashkinë e kryeqytetit. Lista pasohet nga bashkitë e vogla e të varfra si Kavaja e Vora. Stok të konsiderueshëm borxhet kanë edhe Durrësi, Pogradeci e Kamza.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas të dhënave, pjesa më e stokut të borxhit që bashkitë akumuluan vitin e shkuar u shkaktua nga investimet e kryera por të pashlyera dhe shërbimet e marra por të papaguara. Gjithashtu vendimet gjyqësore, mallrat dhe kostot e mirëmbajtjes prodhuan edhe më shumë detyrime për njësitë e pushtetit vendor.
