Banka Botërore më pesimiste se qeveria, ekonomia rritet këtë vit me 3.2%

Banka Botërore ka bërë një parashikim të ndryshëm nga qeveria përsa i përket rritjes së ekonomisë këtë vit. Në raportin “perspektiva Ekonomike Globale”, institucioni më i lartë monetar në botë vlerëson se ekonomia shqiptare do të rritet në vitin 2024 me 3.2%. Ndërkohë që qeveria ka parashikuar në buxhetin e shteti që rritja ekonomike këtë vit do të jetë 3.8%, me një diferencë prej 0.6% më shumë.

Në vlerësimin e Bankës Botërore, në Ballkanin Perëndimor, do të jetë Kosova shteti me zgjerimin më të lartë të Prodhimit të Brendshëm Bruto me 3.9 për qind, ndjekur nga Kosova me 3.9 për qind, ndjekur nga Shqipëria dhe Mali i Zi me 3.2%.

Shtetet me rritjen më të pakët në Ballkanin perëndimor pritet të jenë Bosnje-Hercegovina dhe Maqedonia e Veriut, me respektivisht një rritje prej 2.8% dhe 2.5%

Në rang botëror, ekonomia pritet të rritet me vetëm 2.4 për qind këtë vit, niveli më i ulët i dekadave të fundit.

Ekonomia në rajonin e Ballkanit Perëndimor parashikohet të rritet në 3 për qind në vitin 2024, thuhet në raportin më të fundit të Bankës Botërore për Perspektivat Ekonomike Globale.

Rritja ekonomike për rajonin pritet të mbështetet nga rritja e konsumit, ulja e inflacionit, nga rimëkëmbja graduale në eurozonë, rritja e shpenzimeve publike për projektet infrastrukturore të financuara nga BE dhe të ardhurat nga turizmi. Sipas këtij raporti, rritja ekonomike për Shqipërinë në 2024 parashikohet të jetë 3.2 për qind.