Policia e Tiranës ka arrestuar dy të rinj pasi akuzohen se kanë ushtruar dhunë mbi fatorinon e linjës Kinostudio-Kombinat në kryeqytet.
Mësohet se mbrëmë në rrugën e “Dibrës” dy pasagjerët me iniciale A.T. 24 vjeç, dhe F. K. 20 vjeç, si pasojë e një konflikti të çastit po dhunonin fatorinon e autobusit.
Shoferi i autobusit në momentin që ka parë dy punonjës të policisë rrugore që ishin me shërbim në afërsi të spitalit “Nnënë Tereza” ka ndaluar autobuzin dhe ka kërkuar ndihmën e tyre.
Punonjësit e policisë rrugore kanë ndërhyrë menjëherë, por dy të rinjtë i kanë kundërshtuar me dhunë. Pas disa minutash ata u vunë në pranga dhe akuzohen për veprat penale “Kundërshtimi i punonjësit të policisë së rendit publik” dhe “Goditja për shkak të detyrës”.
NJOFTIMI ZYRTAR I POLICISE
Punonjësit e Policisë rrugore ndërhyjnë për të parandaluar një konflikt në një autobus të linjës Kinostudio-Kombinat.
Gjatë ndërhyrjes, punonjësit e policisë rrugore janë kundërshtuar me dhunë nga dy shtetasit që po dhunonin fatorinon e autobusit, por neutralizohen dhe vihen në pranga.
Mbrëmjen e djeshme, në rrugën e “Dibrës” në Tiranë, në autobusin e linjës-Kinostudio- Kombinat, dy shtetas që ishin pasagjerë në këtë autobus, si pasojë e një konflikti të çastit po dhunonin fatorinon e autobusit.
Drejtuesi i autobusit kur ka parë dy punonjës të policisë rrugore që ishin me shërbim në afërsi të Spitalit “Nënë Tereza”, ka ndaluar autobusin dhe ka kërkuar ndihmën e tyre.
Punonjësit e Policisë rrugore kanë ndërhyrë menjëherë për të neutralizuar konfliktin, por dy shtetasit A.T., 24 vjeç, dhe F. K., 20 vjeç, banues të dy në Tiranë, kundërshtuan me dhunë edhe punonjësit e Policisë Rrugore, por nuk kanë mundur dot të largohen pasi janë neutralizuar dhe prangosur nga punonjësit e Policisë.
Në përfundim të veprimeve u bë arrestimi në flagrancë i shtetasve A.T dhe F.K, për veprat penale “Kundërshtimi i punonjësit të policisë së rendit publik” dhe “Goditja për shkak të detyrës”.
Materialet në ngarkim të tyre i kaluan Prokurorisë të Rrethit Gjyqësor Tiranë për veprime të mëtejshme.
