Presidenti Ilir Meta ditën e sotme ka komentuar mënyrën se si u shtuan votat në disa kuti në zgjedhjet vendore të 30 qershorit.
Me anë të një postimi në Facebook, presidenti ka shpërndarë komentin e një qytetari, i cili shprehet se votat u shumuan duke bërë seks në kutitë e votimit.
Meta fton të gjithë ndjekësit të gjejnë një shpjegim shkencor të shumimit të votave, teksa e shoqëron shkrimin me një ikonë që tregon buzëqeshje.
‘Të dashur miq! Duke ju uruar një të diele sa më relaksuese e çlodhëse ju ftoj të gjithëve të gjeni një shpjegim shkencor të shumimit të votave mbi numrin e pjesëmarrësve të votimeve të 30 qershorit!’, shkruan kreu i shtetit.
