“Kisha kancer” Kryemadhi rrëfen për herë të parë luftën me sëmundjen, tregon sa pagoi për operacionin

Kryetarja e Lëvizjes Socialiste për Integrim Monika Kryemadhi ishte e ftuar në Neës 24 në emisionin “Kjo Javë” ku ka folur për herë të parë për operacionin e vështirë që ka kryer pak jave më parë.

Kryemadhi zbuloi se prej 5 vitesh vuante nga kanceri në qafën e mitrës dhe doktorët më pas kishin kërkuar ndërhyrje urgjente.

Kryetarja e LSI tregoi që operacionin e bëri jashtë shtetit dhe i ka kushtuar 6500 euro, pra 1/3 e cmimit që do të paguante në rast se do ta kryente në Shqipëri.

“Ndjehem shumë mirë falë mjekëve që ishin të jashtëzakonshëm. Dua t’i bëj thirrje të gjithë vajzave të reja shqiptare, të paguajnë vaksinat kundër kancerit të qafës së mitrës, mjekësia nuk është të kurosh, por të parandalosh.

Kalova një proces shumë të vështirë shëndetësor, kisha 5 vite që e mbaja nën mbikëqyrje, por doktorët kërkuan një ndërhyrje të menjëhershme dhe ishte e vështirë pasi mund të kishte komplikime. E bëra jashtë vendit, 1/3 e çmimit në Shqipëri dhe garanci më të madhe.

Më vjen zor ta them pavarësisht se kam respektin më të madh për mjekët shqiptarë, i adhuroj.

Unë e kam ndjerë, kam bërë një operacion në një spital shëndetësor dhe unë nuk kam paguar më shumë se 6500 euro, kur në Shqipëri kushtonte 20 mijë euro. E bëra operacionin në një vend të BE, ku ishte 1/3 e cmimit të Shqipërisë dhe ku shërbimi i ofruar ishte 10 herë më i lartë. Do të dëshiroja që të gjithë socialistët të deklaronin faturat e operacioneve plastike të grave të tyre dhe të vet atyre”, tha Kryemadhi.