Nxehet merkato, ja lëvizjet që pritet të ndodhin javën që vjen në Serinë A

Java e dytë e korrikut pritet të jetë akoma dhe më shumë intensive për klubet italiane në merkato. Janë shumë tratativat që sipas medieve përtej Adriatikut janë futur në faza të avancuara. Pothuaj të gjithë ekipet po lëvizin për të forcuar ekipet e tij.

Juventus, Inter, Napoli, Milan, Roma dhe gjithë të tjerat po nxitojnë t’i mbyllin brenda 15 korrikut afrimet që të kenë kohën e duhur për tu përshtatur me grupin e lojtarëve.

Mauro Ikardi, Matijas De Liht, Gonzalo Higuain, Edin Xheko, Romelo Lukaku, Nikolo Barela, Zaniolo, Pogba, Rodriges janë vetëm disa nga emrat më të përfolur për tu bashkuar ekipeve të sipërpërmendura.