Vetëm dy muaj ka zgjatur arratia e një 49-vjeçari të dënuar në mungesë për trafik narkotikësh. Policia arrestoi personin me inicialet Gj.K, nga Lezha, pasi ishte shpallur në kërkim kombëtar. Në maj 2019 Gjykata e Krimeve të Rënda e ka dënuar me 4 vite e 8 muaj burg për veprën penale “Trafikim Narkotikësh”.
Sipas policisë së Lezhës, ai ka bashkëpunuar me dy persona të tjerë duke trafikuar lëndë narkotike drejt Italisë.
Policia thotë se materialet procedurale për 49-vjecarin iu referuan Gjykatës për Krime të Rënda Tiranë për veprime të mëtejshme.
