LIGJET E BIZNESIT
Dr. Skerdi Faria, drejtues i KEIT Day Hospital, i ftuar në studion e “A2 Business” me Aurora Sulçen, në A2 CNN, tregoi masat që duhet të marrë qeveria në mënyrë që të zhvillohet turizmi i shëndetit dhe bukurisë në vendin tonë.
“Një ndihmë e madhe do të ishin burimet njerëzore. Sot mund t’i përballojmë ndërhyrjet kirurgjikale estetike me kirurgët që vijnë nga jashtë. Kemi 30 kirurgë, 27 janë italianë dhe 3 shqiptarë. Unë do të doja të ishte e kundërta. Por, që të jenë shumica shqiptarë, ka nevojë për specializime në fushën e kirurgjisë estetike. Duke u dhënë mundësinë mjekëve të rinj që të specializohen në Shqipëri, parandalohet dhe largimi i tyre për në Gjermani. Nëse ne u ofrojmë specializim dhe punë me rroga shumë të mira, do ta kishim më të lehtë për të përballuar edhe një fluks më të madh pacientësh”, tha Dr. Faria.
Doktori theksoi më tej se në klinikën e tij do të ofrojë edhe shërbime të tjera në të ardhmen, “duke i ruajtur dhe përmirësuar më tej standardet”.
“Do të kërkoja nga qeveria që të luftonte informalitetin, pasi është në të mirën e shtetit, popullit dhe punonjësve. Një strukturë shëndetësore që nuk ka informalitet, edhe rrogat i ka më të larta, edhe taksat i paguan dhe investimet për të ardhmen i bën më të shumta.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
