LIGJET E BIZNESIT
Banka Qendrore Europiane ka cuar në nivele rekord normën bazë të interesit për euron, duke sinjalizuar se kreditë në euro do të shtrenjtohen më tej edhe tek ne. Sipas vendimit të fundit të BQE-së, norma e interesit u rrit me 25 pikë përqindje duke shkuar në nivelin e 4%, më i lartë që nga fillimi i monedhës euro në vitin 1999.
“Inflacioni vazhdon të bjerë, por ende pritet të mbetet shumë i lartë për një kohë të gjatë. Këshilli Drejtues është i vendosur të sigurojë që inflacioni të kthehet në objektivin e tij afatmesëm prej 2% në kohën e duhur. Për të përforcuar progresin drejt objektivit të tij, Këshilli Drejtues vendosi sot të rrisë tre normat kryesore të interesit të BQE-së me 25 pikë bazë”, thuhet në njoftim e BQE.
Banka qendrore, e cila tani ka rritur kostot e huamarrjes për herën e 10 radhazi 10, la të kuptohet se mund të mos ketë më nevojë të rrisë më tej normat, megjithëse tha se mbetet e varur nga të dhënat.
“Normat kryesore të interesit të BQE-së kanë arritur nivele që, të mbajtura për një kohëzgjatje mjaft të gjatë, do të japin një kontribut të konsiderueshëm në kthimin në kohë të inflacionit në objektiv. Këshilli Drejtues do të vazhdojë të ndjekë një qasje të varur nga të dhënat për të përcaktuar nivelin e duhur dhe kohëzgjatjen e kufizimit”, thuhet në vendim.
Eurozona në tërësi e ka shmangur recesionin deri më tani, por Gjermania, ekonomia më e madhe e saj ka pësuar tkurrje. Nuk janë vetëm normat më të larta të interesit që po rëndojnë aktivitetin ekonomik. Një tjetër faktor ishte edhe frika nga mungesa e gazit natyror pas pushtimit rus të Ukrainës vitin e kaluar. Po kështu është edhe dobësia në Kinë, ku mbështetet shumë industria prodhuese e Gjermanisë.
Në të njëjtën kohë, norma e inflacionit në Eurozonë qëndron në 5.3%, ende shumë larg mbi objektivin prej 2% të BQE-së. Edhe pse ka renë nga kulmi prej 10.6% në tetor, parashikohet të vijojë në këto nivele për disa kohë.
