Vendimi i qeverisë greke: Turistët e larguar nga zjarret, një javë falas në Rodos

Greqia do të ofrojë një javë pushimi falas në ishullin Rodos në Egjeun Lindor për ata turistë që u detyruan të ndërpresin qëndrimin e tyre, për shkak të zjarreve të fundit. Kështu ka deklaruar kryeministri grek, Kyriakos Mitsotakis.

Duke folur për mediat britanike, ai theksoi se për të gjithë ata, pushimet e të cilëve u ndërprenë si rezultat i zjarreve, qeveria greke, në bashkëpunim me autoritetet lokale, do të ofrojnë një javë pushime falas në Rodos pranverën dhe vjeshtën e ardhshme. Sipas tij, ky vendim do të sigurojë që ata të kthehen në ishull dhe të shijojnë bukurinë e tij natyrore.

Kryeministri grek theksoi se zjarri shkatërrues preku më pak se 50 kilometra katrorë, që përfaqëson vetëm 5%. Ai konfirmoi se pjesa tjetër e Rodosit është kthyer plotësisht në normalitet.

Për momentin nuk ka zjarre aktive në ishull dhe parashikimi i motit për 15 ditët e ardhshme duket të jetë relativisht i mirë, duke garantuar më tej sigurinë e pushuesve në ishull.

Mitsotakis deklaroi se nga zjarret nuk ka patur humbje jete dhe nuk raportohet për të lënduar. Ai përgëzoi përpjekjet efikase të evakuimit, duke thënë se u arrit të largoheshin rreth 20,000 persona.

Duke adresuar shqetësimet e turistëve, Mitsotakis i mirëkuptoi ata dhe tha se Rodosi sot është më mikpritës se kurrë dhe ishulli është kthyer në normalitet./ Reuters