LIGJET E BIZNESIT
Nuk ka të ndalur zhvlerësimi i euros në tregun e këmbimit valutor. Ndërkohë që në rënie të fortë janë edhe valutat e tjera. Sipa skursit zyrtar të Bankës së Shqipërisë, monedha europiane u këmbye sot me 102.3 lekë, me rënie 0.99 lekë kundrejt fundit të javës së kaluar. Me këto ritme, euro po i afrohet me shpejtësi kuotës së 100 lekëve.
Ndërkohë rënie të fortë ka pësuar edhe dollari amerika, që këmbehet në këtë fillim jave me 91 lekë, duke humbur 0.98 lekë kundrejt të premtes. Në dobësim të ndjeshëm janë edhe paundi britanik dhe franga zvicerane.
Tregu valutor ndodhet aktualisht nën ndikimin e plotë te efektit sezonal, që janë prurjet valutore nga turistët e huaj dhe emigrantët që kthehen në atdhe për pushime. Por rënia e euros ka vijuar shumë më herët dhe kjo për shkak të prishjes së ekuilibrit kërkesë-ofertë në treg, ku prurjet në euro kanë qenë të mëdha dhe kërkesa për këtë monedhë e ulët, për shkak të tkurrjes së konsumit dhe ngadalëismit të ekonomisë.
Agjentët e tregut të këmbimit parashikojnë se me këto ritme, deri në gusht, euro të zbresë nën nivelin e 100 lekëve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
