NOA, një institucion financiar jo bankë me një eksperiencë 25 vjeçare në tregun shqiptar, me një shtrirje gjeografike prej 26 degësh dhe 306 punonjësish, me një total të aktiveve prej 7.9 miliard lekësh dhe portofol bruto të kredisë 7.4 miliard lekë , emeton për herë të parë në Shqipëri një obligacion publik.
Prospekti është aprovuar nga AMF me vendim nr 72 të datës 28.04.2023.
Obligacioni është i pagarantuar, i nënrenditur në monedhën Lekë dhe është një mundësi investimi për individë dhe subjekte private. Vlera nominale e obligacionit është 500 000 lekë, Afat 5 vjeçar interes vjetor 8% fiks, i pagueshëm çdo 6 muaj.
Kjo ofertë është e hapur për periudhën 24 Maj 2023 deri në 21 Qershor 2023.
Karakteristikat e Obligacionit janë të përcaktuara në prospekt, i cili së bashku me dokumentat shoqëruese gjenden ne faqen Web të NOA noafin.al/investime.
Ndërmjetës financiar për shërbimin e hedhjes në treg të këtyre titujve është Banka Credins sha.
Çdo individ apo subjekte private të interesuar mund të paraqiten pranë degëve të NOA ose degëve të Bankës Credins.
