Kryetari i Partisë Demokratike ditën e sotme ka zhvilluar një sërë takimesh me strukturat e partisë dhe të aleatëve. Nga mbledhja është folur për ecurinë e protestave dhe të aksionit opozitar.
Në këto takime me i veçanti ka qenë ai me aleatët, ku Basha ka mbajtur edhe fjalën e tij, duke shprehur bindjen se PD ka dalë më e fituar dhe e fortë pas 30 qershorit.
“Refuzimi që shqiptarët i bënë farsës është refuzim ndaj regjimit të Edi Ramës. Ndonëse PD është aksionierja kryesore e këtij refuzimi popullor ka shumë aksionere. Me ne u bashkua shumica absolute e shqiptarëve. Ky është refuzim i regjimit të Edi Ramës. Detyra jonë është që, nëpërmjet aksionit tonëpolitik, ta kthejmë këtë nga shumicë refuzuese për regjimin e Ramës, në një shumice shprese dhe besimi për ndryshimin.
Ftesa ndaj shqiptarëve për ditën e hënë është: të gjithë bashkë kundër diktaturës, në mbrojtje të familjeve dhe fëmijëve tuaj, në mbrojtje të Demokracisë dhe Kushtetutës.
Qëndrimi ynë është i pandryshueshëm, 30 qershori vetëm na motivon më shumë në vendosmerinë tonë: largimi i Edi Ramës, ndëshkim të politikanëve që vodhën zgjedhjet në bashkëpunim me krimin dhe të gjithë atyre që organizuan dhe zbatuan farsën e 30 qershorit, qeveri tranzitore, zgjedhje të lira e të ndershme, parlamentare dhe lokale.
Edi Rama me kukuvajkat dhe mercenaret e tij dështuan në planin tashme të zbardhur për ta përcarë PD dhe opozitën. PD dhe opozita dolën më të fortë dhe më të bashkuar nga 30 qershori. Ata nuk meritojnë asnjë vëmendje apo harxhim kohe. Injorojoni, përbuzini, e gjithe energjia në aksionin politik kundër padronit dhe financuesit te tyre Edi Ramës!” është shprehur më tej Bash
