LIGJET E BIZNESIT
Kriza e cmimeve ka detyruar emigrantët shqiptarë që të dërgojnë më shumë para pranë familjeve të tyre në atdhe. Të dhënat e fundit të Bankës së Shqipërisë tregojnë se gjatë vitit 2022, dërgesat e emigrantëve, të njohura ndryshe si remitancat arritën shifrën rekord të 834 milionë eurove. Ky është niveli më i lartë i remitancave që prej vitit 2008. Kundrejt një viti më parë, dërgesat e emigrantëve janë rritur me 73 milionë euro.
Ky fluks valutor kaq i lartë nga jashtë shpjegohet, jo vetëm me krizën e cmimeve, por edhe me aktivizimin e emigracionit vitet e fundit. Kjo pasi emigrantët “e vjetër” të para viteve 2000 janë integruar tashmë në vendet ku jetojnë dhe punojnë dhe i kanë dobësuar lidhjet me familjen dhe rrjedhimisht, dërgojnë më pak të ardhura në atdhe. Ndërkohë që shifrat e mësipërme dëshmojnë për aktivizimin e valës së re të emigrimit gjatë dekadës së fundit, ku emigrantët janë ende të lidhur me familjet dhe të afërit e tyre.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
