“Bëni si të virgjër”, Ralf Gjoni sulmon mazhorancën: Rrotulloheni treshe në krevat

Deputeti Ralf Gjoni gjatë fjalimit të tij sot në Kuvend i është drejtuar në mënyrë ironike mazhorancës duke u shprehur se bëjnë si të virgjër kur flasin për Reformën në Drejtësi.

Gjithashtu ai i është drejtuar dhe ambasadorëvë të huaj që kanë bërë thirrje për dialog duke thënë se nuk ka vend pasi në rast se realizohet i bie që liderët politikë të rrotullohen treshe në krevat.

“Ju diskutoni sot për rrëzimin e presidentit, ne sot duhet të diskutojmë për rrëzimin e këtij sistemi politik të kaluar. Ju sot dilni dhe bëni moral për reformën në drejtësi, kjo është një tallje. Ju çfarë bëni, hapni sherre me Presidentit rrëzoni dekretin e tij dhe bëni sikur jeni të virgjër. Ju do të bëni drejtësi? Kjo është për të qeshur dhe për të qarë.

Rama ta gëzojë ditëlindjen, komandanti juaj, shihni sa të gëzuar jeni. I kujtoj Ramës këngën “Globi rrotullohet”, unë do thoja krevati rrotullohet mes ju te treve. Kam edhe një fjalë për ata ambasadorë që sot pa e kuptuar se ç’po ndodh bëjnë thirrje për diagol. Nuk ka më vend dialogu, sepse i bie të rrotullohen sërish treshe ata. Zgjedhjet i kryen, ashtu siç u kryen, unë nuk votova se nuk kisha asnjë mundësi zgjedhjeje por i mbështeta ata”, u shpreh Ralf Gjoni.