Murrizi i ashpër nga foltorja e kuvendit, paralajmëron arrestimin e politikanëve: Do i çojmë ndonjë paketë duhani në burgun e Reçit

Deputeti i opozitës së re njëkohësisht dhe nënkryetari i parlamentit Myslym Murrizi në fjalën e tij gjatë seancës së sotme parlamentare ka folur me tone të ashpra ku është shprehur se shumë figura në politikën shqiptare e meritojnë të shkojnë në burgun e Recit.

Nga presidenti, ish-presidenti, kryeministri, ish-kryeministri, deputeta e ministra nëse e meritojnë të shkojnë në burgun e Reçit. Atyre që i njohim do i çojmë ndonjë paketë duhani. Në këtë botë haramin nuk e shijon askush,”-tha Murrizi.

Ai paralajmëroi gjithashtu se politikanët me lekët e vjedhura do të ndërtojnë një burg dhe do të ketë shumë persona që kanë mbrapa që do të shkojnë atje.

Pjesë nga fjala e Myslym Murrizit :

“Ku e gjeni sigurinë që reforma në Drejtësi është vetëm për pjesën tjetër dhe jo për ju? Mendoni se keni virgjëri në 6 vjet qeverisje? Keni bërë një trupë Vettingu KPK dhe SPAK me individë që shkarkojnë gjyqtarë dhe prokurorë pse është ndërtuar një shtëpi në 96 dhe lënë në detyrë ish-sigurisma që kanë dënuar njerëz pse kanë sharë Enverin?

Hallin që keni me presidentin e Republikës, është halli i 5-6 vetave. Ishalla me lekët e vjedhura ndërtoni një burg si Pablo Eskobarit. Do ketë shumë çuna që kanë mbrapa dhe që do shkojnë atje.  Mos e tundni gishtin këtej se kjo pjesë që është sot këtej nuk i bie mendja për Vettingun fare. Kokërr karamele s’kanë marrë këta këtej. Luftën që keni me njëri-tjetrin, nuk na bie mendja fare se vrisni njëri-tjetrin.

Ai bëheni pis po u hap ajo lloj çorbë, pa për mua dhe për këta këtej le të happen që sot. Ta ndryshojmë kushtetutën e prillit të 2008. Nga presidenti, ish-presidenti, kryeministri, ish-kryeministri, deputeta e ministra nëse e meritojnë të shkojnë në burgun e Reçit. Atyre që i njohim do i çojmë ndonjë paketë duhani. Në këtë botë haramin nuk e shijon askush,”