“Presidenti edhe mund ta arrestohet”, vjen përgjigja për deputeten socialiste

Deklarata e deputetes e PS Ermonela Felaj ku foli për letrën e Metës dërguar Këshillit të Lartë të Gjyqësorit për Gjykatën e Lartë, ku vuri në dukje se KLGJ në raportin që i ka dërguar Kuvendit ka gjetur një sërë shkeljesh nga KLD, që kryesohej nga Presidenti, solli një seri reagimesh të forta.

Është zëdhënësi i presidentit Ilir Meta, Tedi Blushi i cili i është përgjigjur deklaratave të kryetares së komisionit të Ligjeve, Ermonela Felaj e cila tha se presidenti edhe mund të mos arrestohet lidhur me shkeljet e gjetura në raportin e Këshillit të Lartë të Gjyqësorit. Sipas Blushit kjo është një minë me sahat për fitoren përfundimtare të Reformës në Drejtësi.

“Mungesa e vendosmërisë së hekurt revolucionare që shfaqi sot deputetja Ermonela Felaj, duke lënë një fije dyshimi që Presidenti i Republikës edhe mund të mos arrestohet, është një minë me sahat për “fitoren” përfundimtare të Reformës në Drejtësi!”, shkruan zëdhënësi i Presidentit.