Për herë të parë, çmimet e naftës bien nën 200 lekë/litër

Çmimet e karburanteve kanë rënë për herë të parë poshtë nivelit të 200 lekëve për litër. Bordi i Transparencës ka marrë vendimin, që duke filluar nga ora 18:00 e ditës së sotme, nafta do të shitet me 198 lekë për litër, benzina me 180 lekë për litër, ndërsa gazi me 69 lekë për litër.

VENDIMI I PLOTË I BORDIT TË TRANSPARENCËS:

“Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 198 lekë/litri, ndërsa i shitjes me shumicë jo më shumë se 186 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 180 lekë/litri, ndërsa i shitjes me shumicë jo më shumë se 168 lekë/litër.

Çmimi i shitjes me pakicë i nënproduktit gaz, të jetë 69 lekë/litri me pakicë dhe i shitjes me shumicë 57 lekë/litër për automjetet.

Çmimi i gazoilit për peshkim është vendosur 104 lekë/litër.

Çmimet e caktuara nga Bordi do të hynë në fuqi në datë 07 Dhjetor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes”.