Operatorët privatë që duan të marrin në menaxhim të përkohshëm parcelat e plazheve kan afat deri m datë 30 nëntor për të aplikuar. Pas kësaj date, nuk do të ketë një mundësi të dytë. Lajmin e ka bërë të ditur ministrja e Turizmit dhe Mjedisit, Mirela Kumbaro. Ministrja ishte në Vlorë së bashku me kryeministrin Edi Rama në një takim me turopeatorët e këtij qyteti.
Ajo njoftoi se vitin e ardhshëm qyteti do të përfshihet në ato bashki që do të mbështeten me forca shtesë pastrimi nga Agjencia Kombëtare e Bregdetit. Sipas ministres do të aplikohet edhe stacionet e bregëzim/ankorimit, ose ndryshe vendet e përcaktuara të parkimit për mjetet ujore.
“Operatorët turistikë detarë duhet të certifikohen sipas ligjit pranë Ministrisë së Turizmit dhe Mjedisit, përndryshe s’do të mund ta ushtrojnë aktivitetin e tyre,” tha ajo.
