Çmimet e karburanteve në vend do të ulen. Sot është mbledhur Bordi i Transparencës, i cili ka vendosur uljen e lehtë të çmimeve të karburanteve. Sipas këtij vendimi, nafta ka zbritur me 4 lekë për litër dhe nga dita e sotme do të shitet me 236 lekë për litër.
Në rënie është dhe çmimi i benzinës, që do të tregtohet me 196 lekë për litër, nga 203 që ishte deri tani. Gazi do të tregtohet me 77 lekë për litër.
Ndonëse në Bursa nafta është në tendencë rënieje prej disa javësh, duke zbritur në nivelet e para sulmeve të Rusisë ndaj Ukrainës, në tregun vendas karburanti vijon të jetë në nivele të larta.
