LIGJET E BIZNESIT
Kryetari i partisë Demokratike, Lulzim Basha ka komentuar raportin paraprak të OSBE/ODIHR me anë të një postimi në rrjetet sociale.
Sipas Bashës, edhe pse OSBE nuk e tha prerë, rrjedhimisht i ka rrëzuar këto votime që u bënë ditën e dielë. Sipas Bashës Rama kandidoi vetë, votoi vetë, numëroi vetë, dhe prapë manipuloi..
Më tej në postimi i tij lideri demokrat bën apel për një ndryshim të thellë i strukturës politike, që do mund ta shpëtojë vendin nga kriza shumë dimensionale që ka shpërthyer.
“Edhe pse shumë i kujdesshëm për të mos e acaruar klimën politike, raporti i ODIHR-it i rrëzoi votimet e 30 qershorit. Jo vetëm zgjedhje të paligjshme, jo vetëm zgjedhje një partiake, por edhe zgjedhje te vetë-vjedhura.
Edi Rama kandidoi vetë, votoi vetë, numëroi vetë, dhe prapë manipuloi.
Ky regjim është tashmë i degraduar plotësisht. Vetëm një ndryshim i thellë i strukturës politike, kushtetuese dhe ekonomike të vendit mund të na shpëtojë nga autokracia, krimi, varfëria dhe prapambetja.”- shkruan Basha.
