Deputeti socialist, Erion Braçe ka qenë kritik lidhur me mënyrën sesi po menaxhohet situata energjetike në vend. Në Komisionin parlamentar të Ekonomisë, ku u diskutua Akti Normativ i rishikimit të buxhetit 2022, Braçe kërkoi një plan masash për kursimin e energjisë elektrike, siç kanë bërë edhe vendet e tjera, pasi kushdo që e konsideron energjinë luks, duhet të paguajë më shumë.
“Qeveria duhet të shpallë një plan kursimi për energjinë elektrike, kush e do për luks energjinë elektrike duhet ta paguajë me çmim tjetër nga sa e paguan pensionisti”, deklaroi Braçe.
Në kuadër të masave kundër krizës energjetike, Ministria e Energjetikës dhe KESH kanë bërë vazhdimisht apele për kursimin e energjisë. Ndërkohë që masa më drastike është vendimi që hyn në fuqi nga 1 tetori, sipas së cilit, gjitha familjet që shpenzojnë mbi fashën 800 kilovat orë energji elektrike në muaj do ta paguajnë më shtrenjtë faturën.
