LIGJET E BIZNESIT
Shoqata Shqiptare e Bankave (AAB) ka dënuar aktet e dhunës dhe dëmtimet ndaj degëve bankare dhe objekteve financiare gjatë protestave të fundit në Tiranë, duke kërkuar marrjen e masave për garantimin e sigurisë së punonjësve, klientëve dhe vijimësinë normale të shërbimeve bankare.
Në një deklaratë publike, AAB thekson se e drejta për protestë dhe shprehja e lirë e qëndrimeve janë të drejta themelore, por duhet të ushtrohen në mënyrë paqësore dhe në përputhje me ligjin.
Sipas shoqatës, dhuna ndaj institucioneve financiare është e papranueshme dhe përbën shqetësim për sigurinë e qytetarëve dhe funksionimin normal të shërbimeve bankare.
AAB u bën thirrje pjesëmarrësve në protesta të shmangin veprimet e dhunshme, ndërsa institucioneve përgjegjëse u kërkon të marrin masat e nevojshme për parandalimin e incidenteve dhe garantimin e sigurisë publike.
“Mbrojtja e punonjësve dhe klientëve, respektimi i pronës private dhe garantimi i vijimësisë së shërbimeve bankare janë thelbësore në çdo rrethanë”, thekson shoqata.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
AAB siguron gjithashtu klientët se marrëdhënia e tyre me bankat mbetet e pacenuar dhe e sigurt, pavarësisht ngjarjeve të fundit.
Në përfundim, Shoqata Shqiptare e Bankave rikonfirmon mbështetjen për të drejtën e protestës paqësore dhe shprehjen e lirë të kërkesave qytetare, duke nënvizuar rëndësinë e respektimit të ligjit, sigurisë së qytetarëve dhe mbrojtjes së pronës publike e private.
