Ish-ministri i drejtësisë Ylli Manjani ka komentuar deklaratën e sotme të presidentit Ilir Meta i cili tregoi mesazhin që i kishte shkruar kryeministri Rama dy ditë pas protestës së 16 shkurtit.
Manjani shprehet se transparenca e vërtetë nga politikanët do të vinte sikur të publikoheshin mesazhet në Whatsapp.
Sipas tij aty gjenden xhevahirë të paçmuar që do ia kalonin edhe përgjimeve të “BILD”.
REAGIMI I PLOTE I YLLI MANJANIT
Transparenca e vërtetë e politikanëve është nxjerrja në publik e sms-ve e mesazheve nëpër Whatsapp.
Pa asnjë dyshim që gjenden xhevahirë të paçmuar aty.
Aty tregohet se kush e drejton këtë vend.
Përgjimet e BILD i hanë atë që s’thuhet sms-ve të politikanëve…
Ekspozimi i tyre do falimentonte NETFLIX, këto platformat tona nuk llogariten se janë të falimentuara.
Pra me një SMS Kryeministri paska.shprehur ambicjen e tij për të shkatërruar opozitën.
Kokrra e diktatorit!
