Pasi anuloi dy procedurash tenderimi për shkak të çmimeve të larta në bursa, KESH bleu ditën e sotme 12 360 MWh energji, me qëllim plotësimin e nevojave konsumatore në datat 3 dhe 4 shtator. Në total për këtë blerje u shpenzuan rreth 6 milionë euro, teksa çmimi mesatar me të cilin u sigurua energjia ishte 487.63euro/MWh.
Cmimi i energjisë në bursën e Hungarisë, e cila shërben si referencë për transaksionet në Shqipëri, ka pësuar rënie 3 ditët e fundit. këtë të premte bursa regjistroi një çmim mesatar prej 493.95 euro/MWh nga 748.97 euro/MWh që ishte në datën 30 gusht.
Deri më tani, KESH i ka plotësuar nevojat e vendit me energji nëpërmjet prodhimit nga kaskada e lumit Drin. Kjo ka cuar në një rënie të nivelit të Fierzës dhe rezervës energjetike, duke e bërë të domosdoshme tashmë sigurimin e importit të energjisë.
